कटारीबाट अवैध रुपमा लुकाइएको काठ बरामद
कागजपत्र |
उदयपुर – उदयपुरको कटारी नगरपालिका–४ जहडीबाट अवैध रुपमा लुकाइ राखेको काठ बरामद गरिएको छ । सल्ला, कर्मा र साज जातका ५ सय १४ थान काठ बरामद गरिएको प्रहरीले जनाएको छ ।
बिहीबार राति जहडीस्थित चुन ढुङगा डम्पिङ नजिकै गाडी ग्यारेजमा अवैध रुपमा लुकाइ छिपाइ राखिएको ५ सय १४ थानको करिब २ सय ११ दशमलव ९९ क्यूफिट काठ बरामद गरिएको जिल्ला प्रहरी कार्यालय उदयपुरले जनाएको हो ।
इलाका प्रहरी कार्यालय कटारीबाट खटिएको प्रहरी टोलीले चिरान काठ (पटाहा र कडी) फेला पारी नियन्त्रणमा लिइएको प्रहरी निरीक्षक मोहन थापाले बताए ।
