अफ्रिकी देश युगाण्डाकी महिलालाई वेश्यावृत्तीमा लगाउने पक्राउ
कागजपत्र |
काठमाडौं – अफ्रिकी देश युगाण्डाकी महिलालाई वेश्यावृत्तीमा लगाउने अर्की महिला काठमाडौंको ठमेलबाट पक्राउ परेकी छन्। पर्यटक भिसामा नेपाल आई ठमेलस्थित होटल जर्नी होममा बस्दै आएकी युगाण्डाकी MMACULATE NABASUMBA पक्राउ परेकी हुन्।
नेपालमा क्लिनर, वेट्रेस लगायतका काममा मासिक ५ सय अमेरिकी डलर कमाई हुने तथा नेपाल आउने जाने हवाई टिकट,भिषा लगायतको खर्चसमेत पछि कमाएर तिर्ने शर्तमा निज प्रतिवादीले पीडितलाई गत जनवरी २३ मा हवाईमार्ग हुँदै नेपाल बोलाएर आफू बस्दै गरेको होटेलमा राखेकी थिइन्।
उनले नेपाली तथा भारतीय मुलका व्यक्तिहरूसँग शारीरिक सम्पर्क गर्नुपर्ने नभएको उनी र उनको परिवारलाई मारिदिने सम्मको डर, धम्की दिँदै शारीरिक सम्पर्क गर्न बाध्य पारेको पीडितले बताइएकी छिन्।
दिनमै ५-७ जनासँग शारीरिक सम्पर्क गर्न लगाएको एक हप्तापछि पीडित बिरामी भई काम गर्न नसक्ने अवस्था भएपछि प्रतिवादीले होटलबाट निकालेको पीडितले बताइन्।
तत्पश्चात पीडित युगाण्डा फर्कने भनी फेब्रअरी २६ मा त्रिभुवन अन्तर्राष्ट्रिय विमानस्थल पुग्दा प्रतिवादीले निजको हवाई टिकट रद्द गरिदिएको खुल्न आएको छ।
