६ महिना मै तानिए अपराध महाशाखा र काठमाडौं परिसरका एसएसपी

काडमाडौं – राजनीतिक पहुँचको भरमा काठमाडौं परिसर र उपत्यका अपराध अनुसन्धान शाखामा सरुवा भएका दुई एसएसपी ६ महिनामा मै कमजोर कमाण्डका कारण तानिएका छन् ।

महाशाखा प्रमुख एसएसपी जनक भट्टराई र भरत कुमार बोहरालाई प्रहरी प्रधान कार्यालयले हिजो (बिहीबार) काज सरुवा गर्दै हेटक्वार्टर तानेको हो ।

प्रायः एक पोष्टिङको कार्यकाल एक वर्षको हुने गर्छ । नेपाली कांग्रेसका सभापति तथा पूर्वप्रधानमन्त्री शेरबहादुर देउवाको पालामा प्रहरीभित्र अनावश्यक हस्तक्षेप हुँदा प्रहरीका ईमान्दार र क्षमतावान प्रहरी अधिकृतले अवसरबाट बञ्चित हुँदै आएका थिए । जसका कारण सुरक्षाको दृष्टिकोणले अति संवेदनशील मानिएको काठमाडौंमा राजधानीको बारेमा खासै जानकार नभएका प्रहरी अधिकृतको पोष्टिङ हुँदा सुरक्षामा चुनौती थपिएको थियो ।

जुन कुरा व्यवसायिक छबी बनाएका एक ईमान्दार प्रहरीका आईजीपी धिरज प्रताप सिंहलाई मन परेको थिएन । जसका कारण देउवा सरकार परिवर्तन भएको एक एकमहिना नबित्तै उनले प्रहरीमा ठूलो मात्रमा प्रहरीका उच्चपदस्थ प्रहरी अधिकारीको सरुवा गरेका हुन् ।

आईजी सिंहले उपत्यका अपराध अनुसन्धान शाखामा प्रहरीमा अब्बल मानिएका एसएसपी डा. मनोज केसी र काठमाडौं परिसरमा दानबहादुर कार्कीलाई जिम्मेवारी दिएका छन् ।

यस अगाडी  डिएसपी हुँदा केसीले बौद्ध बृत्त र कार्कीले बानेश्वर वृत्तमा सफलताका साथ आफ्नो कार्यकाल सम्पन गरेका थिए । एसपी हुँदा केसीले रुपन्देही र कार्कीले कास्की जिल्लाको कमाण्ड सफलतापूर्वक सम्पन्न गरेका थिए । केसी र कार्कीका साथै ललितपुर परिसरमा सरुवा भएका सिद्धिविक्रम शाहको आगमनले उपत्यकाको शान्ति सुरक्षा बलियो हुने आंकलन गर्न सकिन्छ ।