काेराेनाबाट नेपालमा थप पाँचकाे मृत्यु

काठमाडौं – पछिल्लो २४ घण्टामा नेपालमा दुई सय ७० जना संक्रमित थपिएका छन् भने ५ जनाको मृत्यु भएको छ । यो संगै नेपालमा कोरोना संक्रमितको संख्या २ लाख ६६ हजार ८ सय १६ पुगेको स्वास्थ्य तथा जनसंख्या मन्त्रालयले जनाएको छ। जसमध्ये ४ हजार ३ सय १ जना सक्रिय संक्रमित छन्। साथै दुई लाख ६० हजार पाँच सय ६७ जना निको भएर घर फर्केका छन् । हालसम्म नेपालमा काेराेनाबाट एक हजार नौ सय ४८ जनाकाे मृत्यु भएकाे छ ।

प्रदेश १ को ओखलढुंगामा १ र सुनसरीमा २ जनामा र प्रदेश २ को धनुषामा मात्र १ जनामा कोरोना पोजेटिभ देखिएको छ । त्यस्तै बागमती प्रदेशको काठमाडौंमा मात्र १ सय ४४ जनामा कोरोना पुष्टि भएको छ। काभ्रेमा ९, चितवनमा ९, धादिङमा २, नुवाकोटमा १, भक्तपुरमा ६, मकवानपुरमा १, ललितपुरमा २२ र सिन्धुलीमा १ जनामा कोरोना भेटिएको मन्त्रालयले जनाएको छ।

त्यस्तै गण्डकी प्रदेशको कास्कीमा १५, गोरखामा १, तनहुँमा २, नवलपरासीमा पूर्वमा ४, म्याग्दीमा १, बागलुङमा ३ र स्याङजामा २ जना र लुम्बिनी प्रदेशको कपिलवस्तुमा २, दाङमा ३, नवलपरासीमा १, पाल्पामा ३, बर्दियामा १, बाँकेमा १९ र रुपन्देहीमा ८ जनामा कोरोना पुष्टि भएको पाइएको छ। कर्णाली प्रदेशको दैलेखमा १ र कैलालीमा १ जना र सुदूरपश्चिम प्रदेशको डडेल्धुरा र बाजुरामा १/१ जनामा कोरोना भेटिएको मन्त्रालयले जनाएको छ।