पञ्जावी गायक मुसेवालाको हत्यारा खोज्न दिल्ली स्पेसल सेलको टिम काठमाडौंमा


काठमाडौं – भारतिय प्रहरीको एउटा टोली काठमाडौंमा आएको छ । भारतीय गायक तथा काँग्रेस आईका नेता सिद्धु मुसेवालाको हत्यारा खोज्न ‘दिल्ली स्पेशल सेल’को टिम काठमाडौंमा आएको स्राेतले जनाएकाे हाे ।

गत आईतबार पञ्जावी गायक तथा नेता मुसेवालाको पञ्जावको मनासा जिल्ला स्थित जवाहरेक गाउँमा हत्या भएको थियो । २८ वर्षीय मुसेवालालाई आक्रमणकारीहरुले ३० राउण्ड गोली हानेका थिए । गोली प्रहारबाट घाइते मुसेवालाको अस्पतालमा मृत्यु भयो ।

दिल्लीबाट आएको टिमसँग नेपाल प्रहरीको विशेष ब्यूरोका अधिकृतहरूले सहकार्य गरिरहेका छन् । विशेष ब्यूरो प्रहरी महानिरीक्षक धिरज प्रताप सिंहको प्रत्यक्ष मातहतमा परिचालित हुन्छ ।

मुसेवालाको हत्याको जिम्मा लरेन्स बिश्रोई ग्याङस्टारले लिएको छ । हत्यामा संलग्न आरोपीहरु नेपाल आएर लुकेको सुराकका आधारमा स्पेशल सेटको टिम काठमाडौंमा आएका हुन् ।

प्रतिक्रिया