नेपाल प्रहरी र सशस्त्र प्रहरीमा पेन्सन अवधि १६ वर्ष बनाउने तयारी
कागजपत्र |
काठमाडौं – नेपाल प्रहरी र सशस्त्र प्रहरीमा जवानदेखि वरिष्ठ हवलदारसम्मको पेन्सन अवधि १६ वर्ष बनाउने तयारी सुरु भएको छ । १६ वर्ष बनाउने प्रस्ताव गृह मन्त्रालयले स्वीकृत गरी मन्त्रिपरिषद्मा पेस गर्ने तयारी गरेको छ ।
मन्त्रिपरिषद् बैठकले पारित गरे जवान, सहायक हवलदार, हवलदार र वरिष्ठ हवलदारको पेन्सन अवधि १६ वर्ष हुने छ ।
यसै गरी सहायक निरीक्षक-असई, नायब निरीक्षक-सई र वरिष्ठ सईको पेन्सन अवधि १८ वर्ष बनाउन प्रस्ताव पनि गरिएको छ ।
