कालोपुलबाट पाँच किलो गाँजासहित दुईजना पक्राउ

काठमाडौं – काठमाडौंको कालोपुलबाट पाँच किलो गाँजासहित दुईजनालाई प्रहरीले पक्राउ गरेकाे छ ।  पक्राउ पर्नेमा काठमाडौं महानगरपालिका–७ कालोपुल डेरा गरी बस्ने झापाका ३१ वर्षीय बिरेन कपाली र इलाम घर भएकी ३९ वर्षीया सपना तामाङ रहेका छन् ।

उनीहरुको साथबाट पाँच किलो अवैध लागुऔषध गाँजा बरामद भएको छ । प्रहरीले उनीहरुको कोठामा जाँच गर्ने क्रममा उक्त गाँजा लुकाई राखेको अवस्थामा फेला पारी उनीहरुलाई पक्राउ गरेको हो ।