नेपाल बैंक र पोखरा विश्वविद्यालयबीच सम्झौता

काठमाडौं –  नेपाल बैंक लिमिटेड र पोखरा विश्वविद्यालयबीच सम्झौता भएको छ । सम्झौतामा विश्वविद्यालयका रजिष्ट्रार डा. दीपकबहादुर भण्डारी र बैंकका प्रमुख कार्यकारी अधिकृत कृष्णबहादुर अधिकारीले हस्ताक्षर गरेका हुन ।

सम्झौता अनुसार  विश्वविघालयका कार्यरत कर्मचारी एवम् विद्यार्थीहरुलाई आधुनिक एवम् सहुलियतपूर्ण बैंकिङ सेवा पाउने भएका छन् ।  विश्वविद्यालयमा कार्यरत सम्पूर्ण स्थायी, अस्थायी, करार, प्राध्यापक, शिक्षक, कर्मचारीहरुको तलबी खातामा बैंकले बचत निक्षेपहरुको उच्चतम ब्याजदर प्रदान गर्ने  बैंकले जानकारी दिएको छ ।

साथै, बैंकले निःशुल्क भिसा डेबिट कार्ड, मोबाइल÷इन्टरनेट बैंकिङ रजिष्ट्रेसन, लकर भाडामा २५ प्रतिशत छुट दिने जनाएको छ । जुनसुकै कर्जा लिँदा सेवा शुल्कमा २५ प्रतिशत छुट, डिम्याट÷सीआस्वा÷मेरो सेयर रजिष्ट्रेसन पनि निःशुल्क दिइने बैंकले जनाएको छ । कर्मचारीहरुलाई क्रेडिट कार्ड समेत प्रदान गर्ने तयारी बैंकको छ ।

त्यसैगरी, बैंकको कुनै एक शाखामा रहेको खाताबाट बैंकको अन्य कुनै पनि खातामा जतिसुकै रकम ट्रान्सफर गर्न चाहेमा विना कुनै शुल्क तत्कालै ट्रानसफर गरिने जनाईएको छ । बैंकले आवश्यकताअनुसार विश्वविद्यालय परिसरमा एटीएम मेसिन÷बैंक काउन्टर÷शाखा स्थापना गरी सेवा दिन समेत तयार रहेको जनाएको छ ।  देशभर २१३ शाखा, १४७ एटीएमका साथै ४९ वटा एक्सटेन्सन काउन्टरबाट बैंकले २० लाखभन्दा बढी ग्राहकहरुलाई सेवा दिँदै आएको छ ।