दरबारमार्ग ड्युटीमा खटिएका प्रहरीमाथि चिनियाँ नागरिकको हातपात, तीनजना पक्राउ

काठमाडौं – प्रहरीमाथि हातपात गरेको आरोपमा तीनजना चिनियाँ नागरिक पक्राउ परेका छन्।

शनिबार दरबारमार्गमा ड्युटीमा खटिएको प्रहरीमाथि हातपात गर्न खोजेपछि ३ जनालाई नियन्त्रणमा लिएको महानगरीय प्रहरी परिसर काठमाडौंका प्रहरी प्रमुख प्रहरी बरिष्ठ उपरीक्षक (एसएसपी) अशोक सिंहले बताए।

‘आफ्नै ड्युटीमा खटिएका प्रहरीसँग विवाद गर्न खोजेपछि उनीहरुलाई नियन्त्रणमा लिइएको हो,’ एसएसपी सिंहले भने, ‘उनीहरुको साथबाट रड समेत बरामद भएको छ।’

यद्यपीसमसयमै रड देख्नासाथ प्रहरीले संयमितता अपनाउँदा दुर्घटना भने टरेको छ। पक्राउ परेका तीनै जनाविरुद्ध अभद्र व्यवहारमा मुद्दा चलाइने एसएसपी सिंहले जानकारी दिए।