सानिमा इक्विटी फण्डले लगानीकर्तालाई ३३ प्रतिशत प्रतिफल दिने

काठमाडौँ – सानिमा इक्विटी फण्डले आफ्ना लगानीकर्तालाई ३३ प्रतिशत प्रतिफल दिने घोषणा गरेको छ ।

सानिमाको हिजो भदौ १५ गते बसेको सञ्चालक समितिको बैठकले लाभांश दिने घोषणा गरेको हो ।

सानिमा बैङ्क लिमिटेड कोष प्रवर्द्धक तथा सानिमा क्यापिटल योजना व्यवस्थापक रहेको इक्विटीले लगानीकर्तालाई आकर्षक प्रतिफल दिने भएको हो । घोषणा अनुसार गत आर्थिक वर्ष २०७७/७८ को मुनाफाबाट योजनाका इकाई धनीहरुले ३३ प्रतिशत प्रतिफल पाउनेछन् ।

योजनाको आकार एक अर्ब ३० करोड रुपैयाँको करसहित ३३ प्रतिशत हुन आउने ४२ करोड नब्बे लाख रुपैयाँ प्रतिफल वितरण गर्ने भएको हो ।