नयाँबानेश्वरबाट पेस्तोलसहित महतो पक्राउ
कागजपत्र |
काठमाडौं — राजधानीको नयाँबानेश्वरस्थित कात्यानी चोकबाट एक व्यक्ति पेस्तोल सहित पक्राउ परेका छन् ।
महानगरीय कार्यालय रानीपोखरी र नयाँबानेश्वर वृत्तबाट खटिएको टोलीले काठमाडौं महानगरपालिका वडा नं. ३१ कात्यानी चोक इलाकामा हतियार खरिद बिक्री गर्न हिँडिरहेको भन्ने विशेष सूचनाका आधारमा शंकास्पद गतिविधिमा हिँडिरहेका धनुषा घर भई हाल बसुन्धरामा बस्ने एक व्यक्ति पक्राउ परेका हुन् ।
पक्राउ पर्नेमा धनुषा घर भई हाल काठमाडौंको बसुन्धरामा बस्दै आएका ३१ वर्षीय जयप्रकाश महतो शंकास्पद गतिविधी गरी हिडिरहेको अवस्थामा फेला पारी चेकजाँच गर्दा दाँया हातमा बोकेको प्लाष्टिक झोला भित्र गम्छा र रुमालले बेरेर लुकाई छिपाई राखेको अवस्थामा मेड इन युएसए लेखेको म्याग्जिन सहितको पेस्तोल १ थान फेला परेको हो ।
त्यसपछि प्रहरीले नियन्त्रणमा लिई वृत्त वानेश्वरवाट जिल्ला अदालत ववरमहल काठमाडौंबाट सात दिनको म्याद थप गरेर अनुसन्धान गरिरहेको प्रहरीले जनाएको छ ।
