एकै पार्टीका राजेन्द्र लिङ्देन र रेखा थापाबीच जुहारी

काठमाडौं– अहिले राष्ट्रिय प्रजातन्त्र पाटी(राप्रपा) का अध्यक्ष राजेन्द्र लिङ्देन र अभिनेत्री तथा सोही पार्टीकी केन्द्रीय कार्यसम्पादन समिति सदस्य रेखा थापाबीच जुहारी चलिरहेको छ ।

शनिबार काठमाडौँमा आयोजित एक कार्यक्रमा बोल्दै अध्यक्ष लिङ्देनले रेखा थापातर्फ इन्ङ्गित गर्दै बच्चा जन्माउनका लागि अमेरिका गएकोप्रति कटाक्ष गरेका थिए । उनले एउटी महिलाले पहिलोपटक पाउने सन्तान अब यो धर्तीमा जन्माउन नचाहने अवस्था आएको बताएका थिए ।

‘चर्चित कलाकारले बेबी प्लान भनेर पोष्ट गर्नुभयो । उहाँ नानी जन्माउन अमेरिका जानुभयो । आफूले पाउने उत्तराधिकारी सुरक्षित रुपमा जन्महोस् भनेर लगेको होला भनेको त, उसलाई त्यहाँ जन्माएपछि उ त अमेरिकी हुनेरहेछ’ उनले भनेका थिए, ‘जीवनमा एउटा महिलाले पहिलोचोटी प्राप्त गर्ने सन्तान यो धर्तीमा जन्माउन चाहदैन । आफ्नो सन्तान नेपाली नहोस् भन्नेमा भविष्य सुरक्षित ठान्ने अवस्था आउँछ भने देशको अवस्था, राष्ट्रियताको अवस्था कहाँ पुग्यो ? यो भन्दा देशको लागि दुर्भाग्यको अवस्था के हुन सक्छ ? राष्ट्रियताको भान मर्दै गएको हो कि हैन ?’

उक्त कटाक्षपछि नायिक थापाले अमरेरिकाबाटै सामाजिक सञ्जालमार्फत जवाफ फर्काएकी छिन् । उनले आक्रोशित हुँदै लेखेकी छिन्, ‘देशको माया हुनेले आफ्नो सन्तान नेपाल फिर्ता बोलाए हुन्थ्यो ! अमेरिकामा किन राखेको ?’ राप्रपा अध्यक्ष लिङदेनकी छोरी अमेरिकामा छिन् । उनी उच्च शिक्षा अध्ययनका लागि एक वर्षअघि गएको स्रोतले बताएको छ ।

यति मात्रै हौन रेखा थापाले एक्समा अर्को पोष्ट राख्दै उनले छोरी अमेरिका पठाउने अनि जनताका बीचमा गएर सबैलाई उपदेश दिने नैतिकता कस्तो हो भन्दै प्रश्न गरेकी छिन् ।

‘राष्ट्रवादी हुने अभियानको पछील्लो किस्ता नाटकको बेलुन कोशीमा भ्वाङ्ग परेपछि, बिरालाहरु खाबो कोतर्दै छन रे त ! आफ्नो छोरा मिसनरी स्कुल पढाउने, छोरी अमेरिका पठाउने अनि जनताका बीचमा गएर सबैलाई उपदेश दिने नैतीकता कस्तो हो कुन्नी ?’ उनले लेखेकी छिन् ।