ब्राउन सुगरसहित दुई जना पक्राउ
कागजपत्र |
धनुषा – जनकपुरधामबाट ब्राउन सुगरसहित दुईजना पक्राउ परेका छन् ।
पक्राउ पर्नेमा सप्तरीको खडक नगरपालिका वडा नम्बर ८ खोजपुर बस्ने २४ वर्षीया रजनी कुमारी चौधरी र सिरहाको मिर्चैया नगरपालिका वडा नम्बर २ बस्ने ३० वर्षीय मोहम्मद आरीफ हुसेन रहेको धनुषा प्रहरीले जनाएको छ ।
उनीहरुलाई बिहिवार साँझ बिशेष सूचनाको आधारमा पक्राउ गरिएको धनुषाका प्रहरी प्रवक्ता प्रहरी नायव उपरीक्षक प्रदीप बहादुर क्षेत्रीले जानकारी दिए ।
उनीहरुको साथबाट ब्राउनसुगर जस्तो देखिने पदार्थ १ ग्राम ८२० मिली ग्राम र चुना जस्तो देखिने पदार्थ १ ग्राम ३७० मिली ग्राम बरामद गरेको प्रवक्ता क्षेत्रीले बताए । यस सम्बन्धमा थप अनुसन्धान भइरहेको उनले बताए ।
