निताको ह्रस्व दीर्घ रामोजी फिल्म सिटीमा खिचिने
कागजपत्र |
बलिउड तथा दक्षिण भारतीय फिल्महरु छायांकन हुने रामोजी फिल्म सिटीमा पहिलोपटक नेपाली फिल्म छायांकन हुन लागेको हो । निता र हरिहरको प्रमुख भूमिका रहने फिल्ममा केही भारतीय कलाकारहरुको पनि अभिनय रहनेछ ।
फिल्ममा ‘गजनी’ भिलेन प्रदीपराजसहित दक्षिण भारतीय फिल्मका चर्चाका कलाकारहरु अभिनयमा रहनेछन् । चन्द्र पन्तको निर्देशनमा बन्ने फिल्मको प्रतिलिपि अधिकार निर्माण कम्पनीले आफ्नो व्यानरमा दर्ता गरेका छन् ।
‘नेपाली फिल्म पाइरेसीदेखि कथा जुध्ने र सोही प्रकृतिका विषयवस्तुरु अन्य कम्पनी र फिल्महरुदेखि सामाजिक सञ्जालसम्ममा प्रयोग हुने क्रम बढेकोले फिल्मको नाम र स्कृप्टको प्रतिलिपि अधिकार दर्ता गरि अन्य कसैले ‘ह्रस्व दीर्घ’मा समेटिएका कुनै पनि कथा, संवाद र प्लट (कन्टेन्ट) प्रयोग गर्न नपाउने गरी प्रतिलिपि रजिष्ट्रारको कार्यालयमा दर्ता गरेका छौं’, निताले भनिन् ।
फिल्म साउनबाट फ्लोरमा जानेछ । फिल्मको छायांकार कविरलाल हुन् ।
