कुटपिटबाट गर्भपतन भयो, दोषीलाई साढे एक वर्ष जेल

आफ्नो खेतमा बालीनाली हेर्न गएका बेला गहुँबारीमा घाँस काट्ने बहानामा आफ्नो खेतको गँहु काटिरहेको देखिएपछि रोक्न खोज्दा आफूालाई लातमुक्काले कुटपिट गरी घाइते बनाएको भनी पीडितले उजुरी दिएकी थिइन्। सोही क्रममा पेट दुखेर २०७७ फागुन ११ गते राजविराजस्थित गजेन्द्रनारायण सिंह अस्पतालमा भर्ना भएकामा फागुन १२ गते १६ हप्ताको गर्भ खेर गएको पीडितले बताएकी थिइन्।

प्रहरीले २०७७ फागुन १४ गते उजुरी दर्ता गरी सोही दिन आरोपितमध्ये लक्ष्मण, श्याम र रामजीलाई पक्राउ गर्‍यो। जिल्ला अदालतमा २०७७ फागुन २३ गते अभियोगपत्र दायर भएकामा जिल्ला न्यायाधीश प्रेमप्रसाद न्यौपानेको इजलासले आरोपित लक्ष्मण, श्याम र रामजी जनही रु ३० हजारमा धरौटीमा रिहा भएका थिए। जिल्ला अदालतमा २०७७ चैत १० गते हाजिर भएका सुरेन्द्रसमेत सोही दिन रु ३० हजारमा धरौटी राखी रिहा भएका थिए।