पूर्वमुख्यमन्त्री गुरुङलाई पनि कोरोना संक्रमण

काठमाडौँ – नेकपा एमालेका उपमहासचिव पृथ्वीसुब्बा गुरुङलाई कोरोना भाइरस संक्रमण भएको छ।
आज पीसीआर परीक्षणका क्रममा उनलाई संक्रमण पुष्टि भएको हो।

संक्रमण भएपछि गण्डकीका पूर्वमुख्यमन्त्री समेत रहेका गुरुङ होम आइसोलेसनमा बसेका छन्। संस्कृति, पर्यटन तथा नागरिक उड्डयन मन्त्री प्रेम आलेलाई पनि संक्रमण भएको थियो।

यसअघि नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ नेता नारायणकाजी श्रेष्ठ, एमाले महासचिव शंकर पोखरेल, स्थायी कमिटी सदस्य भानुभक्त ढकाल, सुजिता शाक्यलगायतलाई संक्रमण भएको छ।