कैलालीमा गगनको गर्जन– ओली, प्रचण्ड र नेपाल नाङ्गै हिँडिरहेका छन्
कागजपत्र |
काठमाडौं– नेपाली कांग्रेसका युवा नेता तथा सांसद गगन थापाले प्रधानमन्त्री केपी शर्मा ओली सडकमा नाङ्गै हिँडेको बताएका छन्।
नेपाली कांग्रेसले गरेको देशव्यापी प्रदर्शन र सभालाई सम्बोधनका लागि कैलाली पुगेका उनले सोमबार आयोजित कार्यक्रममा भने,‘प्रधानमन्त्री ओली सडकमा नाङ्गै हिँडेका छन्, हामीले भनेको लागेन। अहिले प्रचण्ड र माधव नेपाल जसले उहाँलाई बोक्यो, उनीहरू पनि भनिरहेका छन्, उनीहरू पनि नाङ्गै छन्।’
ओली सरकार असफल भएको दाबी गरेका उनले भ्रष्टाचारी खोज्न बालुवाटार र सिंहदरबारमा पुगे पर्याप्त हुने बताए। अहिलेको सरकार इतिहासकै नालायक भएका कारण ओली असफल भएको दाबी गरेका उनले भने,‘कोरोना महामारीका बेला समस्यामा परेका कृषकदेखि युवासम्मका संकट सम्बोधन गर्नमा सरकार चुकेको छ।’
