विश्वप्रकाश शर्मा महामन्त्रीमा विजयी
कागजपत्र |
काठमाडाैं – नेपाली कांग्रेसको महामन्त्रीमा विश्वप्रकाश शर्मा विजयी भएका छन् ।
पछिल्लो मतगणनाअनुसार अब २८९ मत गन्न बाँकी हुँदा विश्वप्रकाश प्रतिद्वन्द्वी डा. प्रकाशशरण महत भन्दा ३६९ मतले अगाडि रहेका छन् । यसबाट महतले सबै मत प्राप्त गरे पनि शर्मा विजयी हुने भएका हुन् ।
यसअघि काग्रेस महामन्त्रीमा गगन थापा विजयी भइसकेका छन् । त्यस्तै गगनले अहिलेको अवस्थामा गनिएको मतमध्ये २८२३ मत पाएका छन् ।
यस्तै विश्व प्रकाश शर्माले १८२४ मत प्राप्त गरेका छन्। शर्मालाई पछ्याउँदै प्रकाशशरण महतले १४५५ मत ल्याएका छन् । यस्तै महतलाई पछ्याउँदै प्रदीप पौडेलको १३०३, मिनेन्द्र रिजालले ७५३ र राजाराम कार्कीले १०० मत ल्याएका छन् ।
कांग्रेसको दुई महामन्त्रीका लागि ६ जना उम्मेदवार थिए । जसमा गगन थापा, विश्वप्रकाश शर्मा, डा. प्रकाशशरण महत, डा. मिनेन्द्र रिजाल, प्रदीप पौडेल र डा. राजाराम कार्की थिए ।
