महामन्त्री मतगणना अपडेटः गगनले ७५६ मत पाउँदा एउटै प्यानलका मिनेन्द्रको कति ?
कागजपत्र |
काठमाडौं – नेपाली कांग्रेसको महामन्त्री पदको मतगणना जारी रहेको छ। पछिल्लो अपडेट अनुसार हालसम्म ११९५ मत गनिएको छ।
गनिएको मतमध्ये महामन्त्रीका उम्मेदवार गगन थापाले ७५६, विश्व प्रकाश शर्माले ४९० मत प्राप्त गरेका छन्। त्यस्तै प्रकाशशरण महतले ३८९, प्रदीप पौडेलको ३६९, मिनेन्द्र रिजालले २२३ र राजाराम कार्कीले ३९ मत ल्याएका छन् ।
कांग्रेसको दुई महामन्त्रीका लागि ६ जना उम्मेदवार छन्। जसमा गगन थापा, विश्वप्रकाश शर्मा, डा. प्रकाशशरण महत, डा. मिनेन्द्र रिजाल, प्रदीप पौडेल र डा. राजाराम कार्की छन्।
थापा र रिजाल एउटै प्यानलका महामन्त्री उम्मेदवार हुन् ।
काँग्रेस महामन्त्रीमा दुई जना महामन्त्रीका लागि ६ जनाबीच प्रतिस्पर्धा हुँदा एक मतदाताले २ जनालाई भोट हाल्न पाउँछन्। अर्थात एक मतपत्रमा दुई जनालाई भोट हाल्न पाइन्छ।
