नेप्सेमा झन्डै २४ अंककाे बृद्दि, कारोबार रकम ६ अर्ब सात करोड रुपैयाँ मात्रै

काठमाडाैं – शेयर बजार परिसूचक नेप्से आज मंगलवार बढेको छ । नेप्से आज २३ दशमलव ७६ अंकले बढेर दुई हजार आठ सय ४३ दशमलव ६२ विन्दुमा पुगेको छ ।

आज बीमा, विकास बैंक, होटल र अन्य समूहको शेयर उच्च अंकले बढेको हाे । बैंक, व्यापार र लगानीबाहेक अरू सबै समूहको शेयर उकालो लागेको छ ।

नेप्से बढे पनि आज कारोबार रकम भने घटेको छ । हिजो साेमवार सात अर्ब ७७ करोड रुपैयाँको कारोबार भएकोमा आज ९९ लाख ७७ हजार कित्ता शेयर ६ अर्ब सात करोड रुपैयाँमा किनबेच भएका छन् ।

आज साहस ऊर्जा कम्पनीको शेयर सबैभन्दा धेरै १० प्रतिशतले बढेको छ । समग्र बजार बढे पनि विशाल बजार कम्पनीको शेयर सबैभन्दा धेरै झन्डै तीन प्रतिशतले घटेको छ ।