एमाले स्थायी कमिटी बैठक बस्दै
कागजपत्र |
काठमाडौं – नेकपा एमालेको स्थायी कमिटी बैठक आज (बिहीबार) बस्दै छ ।
ललितपुरको तुल्सीलाल स्मृति प्रतिष्ठानमा आज (बिहीबार) अपराह्न ३ बजे बैठक बस्ने भएको हो ।
एमालेका कार्यालय सचिव शेरबहादुर तामाङले स्थायी कमिटी बैठक बोलाइएको बताए ।
एमालेको विधान महाधिवेशनको समीक्षा तथा वडा र स्थानीय तहको अधिवेशनलगायत एजेन्डामा छलफल गर्न स्थायी कमिटी बैठक बस्न लागेको छ ।
राष्ट्रिय महाधिवेशनको विषय प्रवेश र हालैको अविरल वर्षाले भएका जनधनको क्षतिका सम्बन्धमा छलफल गर्ने पनि एजेन्डा छन् ।
एमालेले कात्तिक ६ गते देशैभर वडा अधिवेशन गर्ने र कात्तिक ९ गते पालिका अधिवेशन गर्ने बताएको छ ।
एमालेको राष्ट्रिय महाधिवेशन मङ्सिर १० देखि १३ गतेसम्म हुनेछ। महाधिवेशन कहाँ गर्ने भन्नेबारे पनि आज छलफल हुनेछ ।
