प्रधानमन्त्री देउवा बाढीपहिरो प्रभावित क्षेत्रको निरीक्षण गर्न सुदूरपश्चिम जाँदै
कागजपत्र |
काठमाडौं – बाढीपहिरो र डुबान प्रभावित क्षेत्रको निरीक्षण गर्न प्रधानमन्त्री शेरबहादुर देउवा सुदूरपश्चिम प्रदेश जाने भएका छन्।
बिहीबार बिहान अर्थात आज धनगढी पुगेर त्यहाँबाट हेलिकप्टरमार्फत् डडेल्धुरा, डोटीलगायत क्षेत्रको निरीक्षणमा जाने कार्यक्रम रहेको छ।
प्रधानमन्त्रीसहित टोली बाढीपहिरो प्रभावित क्षेत्रको निरीक्षणमा जान लागेका हुन्। प्रधानमन्त्री देउवा हेलिकप्टरमार्फत् सुदूरपश्चिम जान लागेका हुन्।
देउवा आज सुदूरपश्चिम नै बस्ने कार्यक्रम छ। बाढी, पहिरो र डुवान क्षेत्रको निरीक्षण गरेपछि प्रधानमन्त्रीसहितको टोली शुक्रबार मात्रै काठमाडौं फर्कनेछन्।
गत शनिबारदेखि परेको वर्षातको कारण बाढीपहिरोमा परेर देशका विभिन्न भागमा ७७ जनाको मृत्यु भएको छ।
