कांग्रेस बाहेक अरुले साठगाँठ नगरीकन एउटा वडा पनि जित्दैन : ओली

काठमाडौं – नेकपा ९एमाले०का अध्यक्ष केपी ओलीले कांग्रेस बाहेक अरुले साठगाँठ नगरीकन एउटा वडा पनि नजित्ने बताएका छन् ।

बुधबार काठमाडौंमा एमालेको वाग्मती प्रदेश अधिवेशन आयोजक समिति बैठकलाई सम्बोधन गर्दै ओलीले भने, ‘लडाइँ एमाले र कांग्रेसका बीचमा मात्रै हो । अरुले त साठगाँठ नगरीकन एउटा वडा पनि जित्दैन । हाम्रो मुख्य प्रतिस्पर्धा कांग्रेससँग मात्रै हो । कांग्रेसले जनताका बीचमा गएर के गरेँ भन्ने रु के देखाउने रु त्यो नै छैन,’ ओलीले प्रश्न गर्दै भने, ‘अहिले कांग्रेस नेतृत्वको सरकार छ, तर यो सरकार आलोचना गर्न पनि लायक छैन । टिप्पणी गर्न पनि लायक रहेन । साँच्ची यो सरकार कसले चलाएको छ रु भनेर कसैले भन्न सक्छ रु’

ओलीले अघि भने, ‘सरकारको त कुरै नगरौँ । यत्ति बेहाल, यस्ता मान्छे त यो कुनै कालमा पनि देखिएन । यत्ति साह्रो बेहाल भएको छ कि सरकार देश बनाउने होइन, ध्यान नै साठगाँठ जोगाउने कुरामा मात्रै छ ।’

अध्यक्ष ओलीले एमालेलाई देखेर अरु सबै पार्टीहरु हडबडाएको अवस्थामा रहेको बताए । ‘अरु सबै पार्टीहरु हडबडाएका छन् । एमालेमात्रै ढुक्क छ । हामी चुनौतीरहित छौँ त भन्दैनौँ । तर, हामीसँग ती चुनौतीहरु पार लगाउने स्पष्ट योजना छ,’ उनले भने । अध्यक्ष ओलीले अहिले राज्य जनताप्रति इमान्दार रहेको अवस्था नरहेको बताए ।