गण्डकी प्रदेश सांसद डोबाटे मन्त्रीमा नियुक्त, साँझ ५ बजे शपथ
कागजपत्र |
पोखरा – गण्डकी प्रदेशका कांग्रेस सांसद डोबाटे विश्वकर्मा मन्त्रीमा नियुक्त भएका छन् ।
मुख्यमन्त्री कृष्णचन्द्र पोखरेलले सोमबार बिहान सांसद डोबाटेलाई मन्त्रीमा नियुक्त गरेका हुन् । कांग्रेस सांसद विश्वकर्मालाई बिना विभागीय मन्त्री नियुक्त गरिएको मुख्यमन्त्रीका प्रेस संयोजक भरत कोइरालाले जानकारी दिए ।
डोबाटेलाई मन्त्रीमा नियुक्त गरिएको पत्र प्रदेश प्रमुखको कार्यालयमा पठाइसकिएको कोइरालाले जानकारी दिए । उनका अनुसार डोबाटेको शपथ साँझ पाँच बजेका लागि तय गरिएको छ ।
कांग्रेस सांसद डोबाटे तनहुँका हुन् । डोबाटेको नियुक्तसँगै गण्डकी प्रदेश सरकारमा मुख्यमन्त्रीसहित १२ सदस्यीय मन्त्रपरिषद् भएको छ ।
