रेडपान्डाको छालासहित ३ जना पक्राउ
कागजपत्र |
काठमाडौं – महानगरीय अपराध महाशाखाको टोलीले दुर्लभ वन्यजन्तु रेड पाण्डाको छालासहित तीन जनालाई काठमाडौँबाट पक्राउ गरेको छ ।
पक्राउ पर्नेमा खोटाङको खोटेह्याङ्ग गाउँपालिका–१ घर भई काठमाडौंको चावहिल बस्ने ३० वर्षीय मनोज मगर, सोही ठाउँका ३० वर्षीय रवन बस्नेत र उदयपुरको रौतामाई गाउँपालिका–१ घर भई काठमाडौंको गोकर्णेश्वर नगरपालिका नारायणटार बस्ने ३४ वर्षीय केशरबहादुर मगर रहेका छन् ।
महानगरीय अपराध महाशाखाको टोलीले काठमाडौंको गोकर्णेश्वर नगरपालिका–५ स्थित नारायणटारबाट रेड पाण्डाको छालासहित उनीहरुलाई बिहीबार पक्राउ गरेको हो ।
