हामीलाई घर न घाटको बनाउने काम भयोः माधव नेपाल
कागजपत्र |
काठमाडौं– प्रस्तावित नेकपा एकीकृत समाजवादी पार्टीका अध्यक्ष माधवकुमार नेपालले दल गठनमा अवरोध गरी घर न घाटको बनाउने षडयन्त्र भएको आरोप लगाएका छन्।
नेकपा एमालेका दोस्रो तहका नेताको साथ पाउने आश गरेका उनले नौ जना स्थायी कमिटी सदस्य एमालेमा नै रहने र १० बुँदे कार्यान्वयनका लागि बैठकमा जाने भएपछि नेपालको यस्तो प्रतिक्रिया आएको हो।
चन्द्रागिरीमा दलको विधानदेखि मार्गचित्र कोर्नका लागि आवासीय बैठकमा रहेका नेता नेपालले एमाले पार्टीमा अध्यक्ष केपी शर्मा ओलीले बस्नै नदिने अवस्था सृजना गरेपछि विद्रोह गरी नयाँ दल दर्ता गरेको दाबी गरे।
उनले अझ पार्टी दर्ता हुन नदिनका लागि अनेक जालझेल भइरहेको बताउँदै १४ जना सांसदलाई बस्नै नदिने नियतले कारबाही गरिएपछि विद्रोह गरेको पत्रकारहरुसँग बताए।
