माधव नेपाल पक्षको केन्द्रीय कमिटी बैठक बस्दै
कागजपत्र |
काठमाडौँ – नेकपा एमालेको माधव कुमार नेपाल पक्षको स्थायी कमिटी बैठक बस्दै छ । बैठक आज बिहान ११ बजे बुद्धनगरस्थित एक पार्टी प्यालेसमा बस्ने भएको हो ।
सरकारमा सहभागी हुने नहुनेबारेमा निर्णय गर्न आज बैठक बस्न लागेको नेपाल समूहका एक नेताले जानकारी दिए । नेपाल पक्षको औपचारिक निर्णयपछि मात्रै प्रधानमन्त्री शेरबहादुर देउवाले मन्त्रिपरिषद्लाई पूर्णता दिने तयारी गरेका छन् ।
देउवालाई विश्वासको मत नदिएका खनाल–नेपाल समूहका नेताहरू सरकारमा नजाने पक्षमा छन् । पार्टी एकता जोगाउन लागिपरेका कार्यदलका सदस्यहरूले सरकारमा सहभागी नहुने बताएका छन् भने देउवालाई विश्वासको मत दिएका नेताहरू सरकारमा सहभागी हुनुपर्ने भन्दै नेता नेपाललाई दबाब दिइरहेका छन् ।
सरकारमा सहभागी भए नेपाल समूह र माओवादी केन्द्रलाई ६र६ मन्त्रालय दिने प्रधानमन्त्री देउवाको तयारी छ । जसपाको भागमा ४ तथा काँग्रेसलाई ८ मन्त्रालय पर्ने देखिएको छ।
सर्वोच्च अदालतको परमादेशपछि संविधानको धारा ७६ (५) अनुसार शेरबहादुर देउवालाई राष्ट्रपति विद्यादेवी भण्डारीले असार २९ गते प्रधानमन्त्रीमा नियुक्त गरेकी हुन् ।
