युथ फोर्स र अखिल फोर्सका पछिल्ला गतिविधि तुरुन्त रोक लगाउनुपर्छः नेता भट्टराई

काठमाडौं – नेकपा एमालेका नेता योगेश भट्टराईले युथ फोर्स र अखिल फोर्सको औचित्यमाथि प्रश्न उठाउँदै तुरुन्त पछिल्ला गतिविधिमाथि रोक लगाउनुपर्ने बताएका छन् । नेकपा एमालेको विवादपछि पुनः अस्तित्वमा आउन थालेको अध्यक्ष ओली समूहको युथ फोर्स र नेता माधव समूहको अखिल फोर्सको औचित्यमाथि प्रश्न उठाएका हुन् ।

नेता भट्टराईले ऐतिहासिक र गौरबशाली ईतिहास भएका, पञ्चायत फाल्ने र गणतन्त्र ल्याउने आन्दोलनर क्रान्तिको अग्रभागमा रहेर भूमिका खेलेका, हजारौ युवाहरुलाई राजनीतिक र बैचारिक शिक्षा मार्फत पार्टी र सामाजिक कामको नेतृत्व  गर्नसक्ने क्षमतामा पुर्याएका अनेरास्वबियू र युवासंघ जस्ता संगठनलाई ओझेलमा राखेर युथफोर्स र अखिल फोर्स गठन गर्नुको औचित्य नभएको बताएका छन् ।

भट्टराईले अनेरास्ववियू र युवा संघले नै देशमा आईपर्ने सबै काम गर्न सक्ने भएकाले अन्य संगठनहरुका पछिल्ला गतिविधिमाथि नेताहरुले नै रोक लगाउनुपर्ने बताएका छन् ।