

बाढी पहिरो पीडितलाई प्रतिपरिवार २५ हजार दिने कांग्रेसकाे निर्णय

काठमाडौं – नेपाली कांग्रेसले २०७८ वैशाखदेखि यताका बाढी पहिरो पीडितलाई प्रतिपरिवार २५ हजार रुपैयाँ दिने भएको छ ।
बाढी पहिरो पीडित विपद् व्यवस्थापन समितिको बिहीबार पार्टी केन्द्रीय कार्यालय सानेपामा बसेको बैठकले तत्कालका लागि प्रतिपरिवार २५ हजार रुपैयाँ उपलब्ध गराउने निर्णय भएको समितिका संयोजक मोहन बस्नेतले जानकारी दिए ।
बाढी पहिरो पीडितको उद्धार तथा राहतको सम्बन्धमा सरकारलाई पार्टीको तर्फबाट कुनै पनि किसिमको भूमिका निर्वाह गर्नुपर्ने परिस्थितिमा सहज होस् भन्ने उद्देश्यका साथ असार ४ गते बसेको केन्द्रीय समिति बैठकले बाढी पहिरो पीडित विपद् व्यस्थापन केन्द्रीय समिति गठन गरेको थियो ।

