प्रचण्डनिवास खुमलटारमा किन पुगे विप्लव?
कागजपत्र |
काठमाडौं – निवर्तमान प्रधानमन्त्री केपी शर्मा ओली सरकारका पालामा वार्ता गरेर शान्तिपूर्ण राजनीतिमा आएको नेपाल कम्युनिस्ट पार्टीका महासचिव नेत्रविक्रम चन्द विप्लव र नेकपा माओवादी केन्द्रका अध्यक्ष पुष्पकल दाहाल प्रचण्डबीच बुधबार भेटवार्ता भएको छ ।
ओली पदमुक्त भएको भोली पल्टै माओवादी केन्द्रका अध्यक्ष प्रचण्ड र विप्लवबीचको भेटलाई अर्थपूर्ण मानिएको छ। धर्मेन्द्र बास्तोलालाई विप्लव लिएर प्रचण्डनिवास खुमलटार पुगेका थिए।
शान्तिपूर्ण राजनीतिमा आएको विप्लव समूहले आफ्ना बन्दीहरुको रिहाइको माग गर्दै आइरहेको छ। प्रचण्ड नेतृत्वमा माओवादीबाट विद्रोह गरेर भूमिगत राजनीतिमा लागेका विप्लवले लामो समयपछि प्रचण्डलाई भेटेका हुन्। प्रचण्डसँग विप्लवको वार्ताका लागि बास्तोला र दिपक चलाउनेले वातावरण बनाइरहेका थिए।
