रौतहटमा यात्रुवाहक बस दुर्घटना, ९ जना घाइते

रौतहट-  गौर–चन्द्रपुर सडकखण्डमा यात्रुवाहक बस दुर्घटना हुँदा ९ जना घाइते भएका छन्। दुर्घटना गौर नगरपालिका–४ मा भएको हो, जहाँ करिब ४० जना यात्रु सवार बस अनियन्त्रित भएको बताइएको छ।

प्रहरीका अनुसार घाइतेहरूलाई उपचारका लागि वीरगञ्ज, आँखा अस्पताल पुरेनवा र प्रादेशिक अस्पताल गौर पठाइएको छ।

दुर्घटनामा परेको बस ना ८ ख ८७७३ नम्बरको हो, जुन चन्द्रपुरबाट गौरतर्फ आउँदै गर्दा सडकछेउमा रहेको विद्युत् पोलमा ठोक्किएको थियो।

बस चालक रिजवान खान (२४ वर्ष, चन्द्रपुर–८) लाई नियन्त्रणमा लिएर प्रहरीले आवश्यक अनुसन्धान सुरु गरेको छ।