राप्रपाको ‘संकल्प पत्र’ सार्वजनिक

काठमाडौं- राष्ट्रिय प्रजातन्त्र पार्टी (राप्रपा) ले फागुन २१ गते हुने प्रतिनिधि सभा निर्वाचनका लागि आफ्नो मुख्य प्रतिबद्धता समेटिएको ‘संकल्प पत्र’ सार्वजनिक गरेको छ।

‘सबल, समृद्ध र समुन्नत नेपाल – पृथ्वी पथ’को मूल नाराका साथ पार्टी अध्यक्ष राजेन्द्र लिङ्देनले शनिबार राजधानीमा आयोजित कार्यक्रमका बिच संकल्प पत्र सार्वजनिक गरेका हुन् । राप्रपाले अहिलेको प्रदेश तहलाई पूर्ण रूपमा खारेज गर्दै केन्द्र र बलियो स्थानीय तहसहितको दुई तहको शासकीय संरचनाको प्रस्ताव अघि सारेको छ। विशेष गरी स्थानीय तहलाई राजनीतिक हस्तक्षेपमुक्त बनाउन गैरदलीय आधारमा निर्वाचन गर्ने एजेन्डालाई पार्टीले प्राथमिकताका साथ उठाएको छ।