राप्रपा उम्मेदवार कर्भिकाको उम्मेदवारी फिर्ता

काठमाडौं- राष्ट्रिय प्रजातन्त्र पार्टीबाट रुपन्देही क्षेत्र नम्बर २ मा प्रतिनिधि सभाकी उम्मेदवार कर्भिका थापाले उम्मेदवारी फिर्ता लिएकी छन्।

उनले अमेरिकी पीआर लिएको स्वीकार गर्दै उम्मेदवारी फिर्ता लिएकी हुन्। अध्ययनका क्रममा अमेरिकी पीआर लिएकी उनले त्यो तागेको समय तीन महिना पूरा नभएपछि संविधानत: उनी उम्मेदवार हुन अयोग्य हुन्। उनी राप्रपा नेता निरञ्जन थापाकी छोरी हुन् ।

नेपालको संविधानको धारा २९१ अनुसार विदेशमा बस्दा लिएको स्थायी आवास अनुमति (पीआर) त्यागेको तीन महिना पूरा भएपछि मात्रै उम्मेदवारी दिन पाउने कानुनी व्यवस्था छ । उक्त अवधि पूरा नभइसकेकाले उम्मेदवारीबा पछि हटेको बताएकी छन् ।