कर्णालीका नर्सहरूले पनि सुरु गरे आन्दोलन
कागजपत्र |
सुर्खेत– कर्णाली प्रदेश अस्पताल सुर्खेतका नर्सहरू श्रम शोषण र विभेदविरुद्ध आन्दोलित भएका छन्।
बुधबार बिहान उनीहरूले हातमा कालो पट्टी बाँधेर दुई घण्टासम्म सेवा अवरुद्ध गर्दै आन्दोलनको सुरुवात गरेका हुन् । देशभर नर्सहरूको श्रम शोषणविरुद्ध आन्दोलन भइरहेको बेला नेपाल नर्सिङ संघ सुर्खेत शाखाको नेतृत्वमा सुर्खेतमा पनि नर्सहरूले आन्दोलन थालेका हुन् ।
प्रदेश अस्पतालमा कार्यरत नर्सहरूले बिहान दुई घण्टासम्म अस्पताल परिसरमै कालो पट्टी बाँधेर धर्ना दिएका थिए । नेपाल नर्सिङ संघ सुर्खेत शाखा अध्यक्ष तथा प्रदेश अस्पताल नर्सिङ विभाग प्रमुख शकुन्तला सापकोटाका अनुसार नर्सहरूले श्रमअनुसारको पारिश्रमिक नपाएको कारण उनीहरू आन्दोलनमा उत्रिन बाध्य भएका हुन् ।
