मधेस केन्द्रित सात दलद्वारा ‘संघीय लोकतान्त्रिक मोर्चा’ घोषणा


काठमाडौं-  मधेस केन्द्रित सात राजनीतिक दलहरूले संयुक्त रूपमा ‘संघीय लोकतान्त्रिक मोर्चा’ घोषणा गरेका छन्।  काठमाडौंको थापागाउँस्थित काठमाडौं ब्यांक्वेटमा आयोजित कार्यक्रममा मोर्चाको औपचारिक घोषणा गरिएको हो ।

यस मोर्चामा जनमत पार्टी, जनता समाजवादी पार्टी (जसपा) नेपाल, लोकतान्त्रिक समाजवादी पार्टी (लोसपा), नागरिक उन्मुक्ति पार्टी, राष्ट्रिय मुक्ति पार्टी, जनता प्रगतिशील पार्टी, र तमलोपा रहेका छन् ।

संविधान संशोधनलगायतका मुद्दामा साझा धारणा निर्माण गर्नका लागि यी दलहरूले मोर्चा गठन गरेका हुन्। मोर्चाको नेतृत्व आलोपालो प्रणाली अपनाएर गरिने सहमति गरिएको छ ।

यसअघि नै मोर्चा गठनका लागि कार्यदल निर्माण गरी आवश्यक दस्तावेज तयार पारिएको थियो । मोर्चाले आफ्नो २५ बुँदे उद्देश्य तथा राजनीतिक प्रतिबद्धता समेत सार्वजनिक गरेको छ ।

 

   

 

 

प्रतिक्रिया