दुर्गा प्रसाईंको खोजी गर्न प्रहरीले बनायाे नयाँ रणनीति

काठमाडौं – शुक्रबारको राजावादी प्रदर्शनपछि फरार भएका दुर्गा प्रसाईंको खोजी गर्न नेपाल प्रहरीले नयाँ रणनीति अबलम्बन गरेको छ । विशेष व्युरोको कमाण्डमा खोजी अभियान तीव्र पारिएको छ । डीआईजी सिद्धिविक्रम शाहको नेतृत्वमा विशेष व्युरोले खोजी तीव्र बनाएको हाे ।

प्रदर्शनपछि वरिष्ठ उपाध्यक्ष रवीन्द्र मिश्र, महामन्त्री धवलसमशेर राणा, अधिवक्ता भद्रप्रसाद (स्वागत) नेपालसहितका व्यक्तिहरू पक्राउ परेका छन्। तर, प्रमुख अगुवा प्रसाईं अझै फरार छन् ।

प्रहरीको अनुसार प्रसाईं नेपालमै रहेको अनुमान छ, यद्यपि उनी भारत गएको हल्ला फैलाइएको हुन सक्छ । पहिले खोजीमा सक्रिय केन्द्रीय अनुसन्धान ब्युरो (सिआइबी) र उपत्यका अपराध अनुसन्धान कार्यालयले हाल सो जिम्मेवारी विशेष व्युरोलाई सुम्पिएका छन् ।

सिसिटिभी फुटेज, इलेक्ट्रोनिक उपकरणहरूको निगरानी र अन्य प्रमाणका आधारमा अनुसन्धान जारी छ।