अर्घाखाँचीमा बस दुर्घटना, देउसीको बसले भैलो खेलिरहेकालाई ठक्कर दिँदा १ जनाको मृत्यु, १९ जना घाइते

अर्घाखाँची— अर्घाखाँचीमा बस दुर्घटना हुँदा १ जनाको मृत्यु भएको छ । जिल्लाको भूमिकास्थान नगरपालिकाको खिल्लीस्थित फूलबारी भन्ने स्थानमा केहीबेर अघि करिब ५ बजे  प्युठानबाट भैलो समूह लिएर आएको ना ३ ख २४७१ नम्बरको बस नजिकै दुर्घटना भएको जनाइएको छ ।

देउसी भैलो खेल्न आएको बसको ब्रेक फेल हुँदा बाटोमा भैलो खेलिरहेका समूहलाई ठक्कर दिएको प्रहरीको जनाएको छ ।

दुर्घटनामा एक जनाको मृत्यु भएको छ। दुर्घटामा १९ जना घाइते भएका छन् । उद्धार कार्य जारी रहेकोले घाइतेहरुको संख्या अझै धेरै भएको हुनसक्ने पनि जनाइएको छ । साथै घाइतेमध्ये १५ जनाको अवस्था गम्भीर रहेको बताइएको छ।