पोखराको तालचोकमा भाटभटेनीको २८औँ स्टोर खुल्ने
कागजपत्र |
काठमाडौं – भाटभटेनी सुपरमार्केटले पोखराको तालचोकमा स्टोर खोल्ने भएको छ ।
भाटभटेनीका अध्यक्ष तथा प्रबन्ध निर्देशक मीनबहादुर गुरुङ र उनकी पत्नी सावित्री गुरुङले भूमि पुजन गरी स्टोर निर्माणको औपचारिक शुभारम्भ गरेका हुन् ।
पोखराको तालचोकमा खुल्न लागेको भाटभटेनीको २८औँ स्टोर हो भाटभटेनीका २७ स्टोर सञ्चालनमा छन् । करिब एक अर्ब लागतमा सञ्चालनमा आउने तालचोकको भाटभटेनी स्टोर २ लाख २५ हजार ६ सय स्क्वायर फिट क्षेत्रफलको हुनेछ । भवनमा दुईवटा सिनेमा हल पनि रहने जनाइएको छ ।
पोखरा महानगरपालिकामा यसअघि नै भाटभटेनीले एउटा स्टोर सञ्चालनमा ल्याइसकेको छ । काठमाडौं उपत्यकाबाहिर एउटै महानगरमा दुई स्टोर पोखरामा सञ्चालनमा ल्याउन लागिएको हो ।
पर्यटकीय नगरी पोखरा अर्को स्टोर पनि आवश्यक देखिएकाले निर्माण गर्न लागिएको अध्यक्ष गुरुङले बताए ।
