८ किलो गाँजासहित समातिइन् प्रियंका
कागजपत्र |
काठमाडौं — बारामा साढे ८ किलो गाँजासहित एक जना महिला पक्राउ परेकी छन्। पक्राउ पर्नेमा बर्दिया मधुवन नगरपालिका—७ बस्ने २५ वर्षीया प्रियंका श्रेष्ठ रहेकी छन्।
आइतबार बिहान प्रहरी चौकी पथलैया बाराबाट खटिएको प्रहरी टोलीले जीतपुर सिमरा उप-महानगरपालिका—१ आधाभार जङ्गलमा पिठ्यूँमा कालो झोला बोकी सडक छेउमा श्रेष्ठलाई उभिइरहेको अवस्थामा फेला पारेको थियो। शङ्कास्पद लागी उनले बोकेको झोला चेक जाँच गर्दा लुकाएर राखेको गाँजा फेला परेको प्रहरीको भनाई छ।
श्रेष्ठलाई नियन्त्रणमा लिई आवश्यक कानुनी प्रक्रिया अगाडि बढाइएको जिल्ला प्रहरी कार्यालय बाराले जानकारी दिएको छ।
