दाङमा फलामको रड हानेर श्रीमतीको हत्या
कागजपत्र |
दाङ- दाङमा श्रीमतीकाे हत्या अभियाेगमा श्रीमान पक्राउ परेका छन् । राजपुर गाउँपालिका-१ रसरी खाेला निवासी ३८ वर्षीय गणेश घर्तीले फलामकाे रड प्रहार गरी श्रीमती ३७ वर्षीया बसन्ती घर्तीकाे हत्या गरेकाे अभियाेगमा प्रहरीले श्रीमानलाई घटनास्थलबाट नियन्त्रणमा लिएको प्रहरी निरीक्षक कालिका कार्कीले जानकारी दिइन् ।
दुबै जना आइतबार बेलुका सँगै खाना खाएर काेठामा सुत्न गएका थिए । तर बिहान अबेरसम्म घरकाे ढाेका नखुलेपछि स्थानीयले प्रहरीलाई खबर गरेका थिए ।
प्रहरीले घरकाे ढाेका खाेलेर हेर्दा फलामकाे रडले टाउकाेमा प्रहारगरी श्रीमती हत्या गरेका श्रीमान गणेशलाई फलामकाे रडसहित नियन्त्रणमा लिइएको प्रहरीले जनाएको छ ।
मदिरा सेवन गरेर दुवैबीच यसअघि पनि झगडा हुने गरेकाे स्थानीयले बताएका छन् । प्रहरीले घटनाकाे बारेमा थप अनुसन्धान गरिरहेकाे जनाएको छ।
