जुसको बट्टामा १ किलो कोकिन, २ विदेशी नागरिक पक्राउ
कागजपत्र |
काठमाडौं– १ किलो १ सय ग्राम कोकिनसहित काठमाडौंबाट दुईजना विदेशी नागरिक पक्राउ परेका छन् ।
पक्राउ पर्नेमा एक भारतीय नागरिक फहिमुद्दीन अन्सारी र अर्का नाइजेरियन नागरिक छन् ।
उनीहरुलाई लागु औषध नियन्त्रण ब्युरोको टोलीले पक्राउ गरेको हो ।
काठमाण्डौं–२६, ठमेल स्थित एक होटलबाट पक्राउ परेका भारतीय नागरिकले जुसको बट्टामा कोकिन राखेको पाइएको हो ।
२ वटा बट्टाभित्र लागु औषध कोकिनका ६२ वटा क्यासुल लुकाएको पाइएको ब्युरोले जनाएको छ ।
उनले सो कोकिन नायजेरियन नागरिकबाट लिएको खुलेपछि उनलाई पनि पक्राउ गरिएको हो ।
