इलाम २ मा मतगणना सुरू हुँदै, सर्वदलीय बैठक ७ बजेका लागि बोलाइयो

विराटनगर — इलामका सबै मतदान केन्द्रबाट रातीसम्ममा मतपेटिका सदरमुकाम आइपुगेका छन् ।

क्षेत्र नं. २ का सबै मतदान स्थल र १४९ वटै मतदान केन्द्रको मतपेटिका गणनास्थल गौतबुद्ध हलमा आइपुगेको मुख्य निर्वाचन अधिकृतको कार्यालयले जनाएको छ ।

हिजोबाटै मतगणनाको तयारी भए पनि अबेरसम्म मात्रै मत पेटिका आइपुग्ने भएपछि अहिले बिहान ७ बजेका लागि सर्वदलीय बैठक बोलाइएको छ ।

अहिले सर्वदलीय बैठकको तयारी भइरहेको छ । इलाममा १ लाख १५ हजार ८८९ मतदाता थिए । ती मध्ये ६९ हजार २८७ मत खसेको थियो ।