रुसी सेनामा भर्ना भएका थप ७ जना नेपालीको मृत्यु
कागजपत्र |
काठमाडौं- रुसी सेनामा कार्यरत थप सातजना नेपालीको मृत्यु भएको छ । यसको जानकारी परराष्ट्र मन्त्रालयले बिहीवार विज्ञप्ति जारी गर्दै दिएको हो ।
मृत्यु हुनेमा धादिङका पूर्वबहादुर गुरुङ, जाजरकोटका नवीन शाही, उदयपुरका पदमबहादुर घिमिरे र झापाका गंगाराम अधिकारी छन् ।
यस्तै बागलुङका जीतबहादु विक, बाँकेका सञ्जय केसी र रसुवाका सुन्दर मोक्तान छन् ।
यससँगै रसियन सेनामा भर्ना भएर ज्यान गुमाउने नेपालीको संख्या २० पुगेको छ । यसअघि सरकारले औपचारिक रुपमा १३ जना नेपालीको ज्यान गएको जनाएको थियो ।
