माओवादी केन्द्रको स्थायी कमिटी बैठक आज बस्दै
कागजपत्र |
काठमाडौं – सत्ताको नेतृत्व गरेको नेकपा माओवादी केन्द्रको स्थायी कमिटीको बैठक आज बस्दै छ।
पार्टीको विधान संसोधनबारे छलफलका लागि पार्टी केन्द्रीय कार्यालय पेरिसडाँडामा बिहान ११ बजे बैठक सुरू हुने माओवादी केन्द्रका प्रवक्ता अग्नि सापकोटाले जानकारी दिए।
पार्टीको विधान मस्यौदा समितिले १ सय ५१ सदस्यीय केन्द्रीय कमिटी बनाउने प्रस्ताव गरेको छ।
उपाध्यक्ष पम्फा भूसालको संयोजकत्वमा बनेको विधान मस्यौदा समितिले गरेको यो प्रस्तावमा आजदेखि बस्ने स्थायी कमिटी बैठकमा छलफल हुने प्रवक्ता सापकोटाले बताए।
बैठकमा जनतासँग माओवादी विशेष रूपान्तरण अभियानको समिक्षा पनि हुने जनाइएको छ ।
