बेपत्ता बालिका मृतावस्थामा फेला

जनकपुरधाम – धनुषामा एक बालिका मृत अवस्थामा फेला परेकी छन् ।

२४ घण्टादेखि हराइरहेकी धनुषाको सबैला नगरपालिका ९ कुसमहा सतोखरकी ६ वर्षीया बालिका राखी यादवको शव सतोखर पोखरी नजिक पानी जमेको खाल्डोमा नग्न अवस्थामा फेला परेको हो । उनले लगाएका कपडा खाल्डो छेउमा फेला परेको छ ।

ती बालिकाको शव बिहीबार बेलुका ७ बजे परेको प्रहरी उपरीक्षक मित्रबन्धु शर्माले जानकारी दिए । शवको प्रकृतिले घटना शंकास्पद देखिएको र अनुसन्धान जारी रहेको प्रहरी उपरीक्षक शर्माले बताए ।