बालकुमारी पुलमुनि फोहोर फाल्ने १७ जना पक्राउ
कागजपत्र |
काठमाडौं – काठमाडौ महानगरपालिकाले बालकुमारी पुलमुनि फोहोर फाल्दै गरेका १७ जनालाई पक्राउ गरेको छ ।
महानगरपालिकाले वडा नं ३२ कोटेश्वर बालकुमारी तर्फ आकासेपुलमुनि राति फोहोर फाल्ने १७ जनालाई पक्राउ गरेको हो ।
उनीहरुलाई फोहोर फालेबापत ५ हजार, २ हजार, १ हजारको दरले जरिवाना तिराएको महानगरपालिकाले जनाएकाे छ ।
महानगरले उनीहरुबाट ५० हजार ५सय जरिवाना गरेको हो ।
बालकुमारी पुलमा रातको समयमा फोहोर फाल्ने गरेको गुनासो आएपछि महानगरले निगरानी बढाएको थियो ।
