महानगरले माग्यो ११ मा पढ्न छात्रवृत्तिको अनलाइन आवेदन
कागजपत्र |
काठमाडौं – काठमाडौं महानगरपालिकाले कक्षा ११ मा छात्रवृत्तिमा अध्ययन गर्न चाहने विद्यार्थीका लागि छात्रवृत्ति परीक्षाको अनलाइन आवेदन माग गरेको छ ।
काठमाडौं महानगरपालिकाभित्र सञ्चालित कक्षा ११ अध्यापन हुने संस्थागत शिक्षण संस्थामा शैक्षिक सत्र २०८०/०८१ का लागि छात्रवृत्तिमा विद्यार्थी छनोट गर्न सञ्चालन हुने परीक्षाका लागि महानगरले आवेदन आह्वान गरेको हो ।
आवेदन आज बिहान १० बजेदेखि साउन १२ गते राति ११ः५९ बजेसम्म अनलाइनमार्फत आवेदन फाराम पेस गर्न सकिने महानगरले जनाएको छ ।
परीक्षा साउन २० गते बिहान ११ बजेदेखि दिउँसो १ बजेसम्म हुने छ ।
