सिनामंगल गोलीकाण्ड अपडेटः गोली लाग्ने भारतीय नागरिक, अन्य ३/४ जना फरार

काठमाडौं – सिनामंगलमा प्रहरीको गोली लागेर घाइते भएका व्यक्ति भारतीय नागरिक रहेको खुलुको छ ।

आइतवार बिहान विमानस्थलअगाडि सिनामंगलस्थित शम्भुमार्गमा प्रहरीले चलाएको गोली लागेर घाइते भएका लागुऔषध कारोबारी भारतीय नागरिक विकास भगत रहेको खुलेको छ ।

लागूऔषध नियन्त्रण ब्यूरोबाट खटिएको टोलीमाथि गोली प्रहार गरेपछि प्रहरीले चलाएको गोली लागी भगत घाइते भएका हुन् । उनलाई काठमाडौं मेडिकल कलेजमा उपचारका लागि राखिएको छ । उनको घुँडा मुनिको भागमा गोली लागेको छ ।

उनको साथबाट सय ग्राम ब्राउन सुगर बरामत गरिएको पनि ब्यूरोका प्रवक्ता प्रहरी उपरीक्षक (एसपी) चक्रराज जोशीले जनाए । उनीसँगै रहेका अरु तीन/चार जना भने फरार भएका छन् ।