सेफ्टी ट्याङ्कीभित्र महिलाको शव फेला, हत्याको आशंका


कपिलवस्तु – कपिलवस्तुको शिवराज नगरपालिका–५ चन्द्रौटा हाट बजार छेउमा शनिबार दिउँसो निर्माणाधीन रिफ्रेस सेन्टरको सेफ्टी ट्याङ्कीमा सडे गलेको अवस्थामा एक महिलाको शव भेटिएको छ ।

सेफ्टी ट्याङ्कीमा महिलाको शव भएको जानकारी पाए लगत्तै जिल्ला र वडा प्रहरी कार्यालय चन्द्रौटाको टोली घटनास्थल पुगेको थियो । प्रहरी नायब उपरीक्षक मीनबहादुर घलले सेफ्टी ट्याङ्कीभित्र महिला जस्तो देखिने शव फेला परेको जानकारी दिएका छन् ।

घटनास्थल पुगेका प्रहरीले ट्याङ्की फुटाएर शव निकाल्ने प्रयास गरिरहेको उनले जानकारी दिएका छन् । शव सडेगलेकाले त्यसको दुर्गन्ध समेत आइरहेको छ । शवको पहिचान नभएको र हत्या गरी फालिएको आशंका गरिएको छ ।

प्रतिक्रिया