सन्दीप लामिछानेलाई थुनामै राखेर मुद्दाको पुर्पक्ष गर्नुपर्ने माग सहित सर्वोच्चमा निवेदन दर्ता
कागजपत्र |
काठमाडौं – नाबालिग बलात्कारको अभियोग लागेका क्रिकेटर सन्दीप लामिछानेलाई थुनामै राखेर पुर्पक्ष गर्न माग गर्दै सर्वोच्च अदालतमा निवेदन दर्ता भएको छ ।
क्रिकेटर लामिछानेलाई उच्च अदालत पाटनले पुर्पक्षका लागि धरौटीमा रिहा गन आदेश जारी गरेको थियो । उक्त आदेश बदर गर्न माग गर्दै महान्यायाधिवक्ता कार्यालयका प्रवक्ता सन्जीवराज रेग्मीका अनुसार मंगलबार सन्दिपलाई थुनामा राखेर मुद्दाको पुर्पक्ष गर्नुपर्ने माग गर्दै सर्वोच्चमा निवेदन दिएको हो।
‘सन्दिप लामिछानेलाई धरौटीमा छोड्ने उच्च अदालत पाटनको आदेश कानुनी व्यवस्था र सर्वोच्चले यस्तै प्रकृतिका मुद्दामा थुनछेकबारे गरेको व्याख्याको प्रतिकुल छ भन्ने दुई आधार लिएर आज निवेदन दिएका छौं,’ रेग्मीले भने।
दुई हप्ताअघि उच्च अदालत पाटनले लामिछानेलाई २० लाख रुपैयाँ धरौटी लिएर शर्तसहित छोडेको थियो।
